ஜனாதிபதிக்கு ஒருமாதகால அவகாசம் கொடுத்த கார்டினல் மல்கம் ரஞ்சித்
கார்டினல் மல்கம் ரஞ்சித் மற்றும் இலங்கையில் உள்ள கத்தோலிக்க திருச்சபையின் பல ஆயர்கள் சேர்ந்து ஜனாதிபதி கோதபய ராஜபக்ஷவுக்கு எழுதியுள்ள கடிதத்தில், ஈஸ்டர் ஞாயிறு தாக்குதல்கள் குறித்து திருச்சபை எழுப்பியுள்ள அனைத்து கேள்விகளுக்கும் நம்பகமான பதிலை குறைந்தது ஒரு மாதத்துக்குள் வழங்குமாறு கேட்டுக் கொண்டுள்ளார்.
எங்களின் இந்த கோரிக்கை நிறைவேற்றப்படாமல் போனால் நாங்கள் மாற்று வழியில் நடவடிக்கை மேற்கொள்வோம் என்றும் எச்சரிக்கை விடுத்துள்ளார்கள்.
“உண்மையையும் நீதியையும் திருப்திகரமான முறையில் அரசாங்கத்தால் உறுதிப்படுத்த முடியாவிட்டால், இந்த பிரச்சினை மேலோட்டமாகக் கையாளப்பட்டால், மாற்று வழிகள் மூலம் நாங்கள் போராட வேண்டிய கட்டாயத்தில் இருப்போம் என்பதை நாங்கள் உங்களுக்கு தெரிவிக்க விரும்புகிறோம். இந்த முறையீட்டின் ஒரு மாதத்திற்குள் நீங்கள் அவசரமாக செயல்படுவீர்கள் மற்றும் நம்பகமான பதிலை வழங்குவீர்கள் என்று நாங்கள் நம்புகிறோம், ”என்று ஆயர்கள் மற்றும் பாதிரியார்கள் கையெழுத்திட்ட கடிதத்தில் கூறப்பட்டுள்ளது.
ஜனாதிபதி ஆணைக்குழு பரிந்துரைத்த வகையில் முன்னாள் ஜனாதிபதி மைத்திரிபால , மற்றும் ரணில் விக்ரமசிங்க ,முன்னாள் அமைச்சர் ரிஷாத் பதியுதீன், ரியாஜ் பதியுதீன், டாக்டர், முஹம்மது ஜூலியன் முஹம்மது ஜாஃப்ராஸ், அஹமட் தலித் ஆகியோருக்கு எதிராக குற்றவியல் நடைமுறைகள் மற்றும் லஞ்சக் குற்றச்சாட்டுகள் மற்றும் சில என் போலீஸ் அதிகாரிகள், அட்டர்னி ஜெனரல் திணைக்களத்துடன் இணைக்கப்பட்ட இரண்டு அதிகாரிகள் மற்றும் கதான்குடியில் தீவிரவாதம் பரவ உதவிய எம்.ஏ.எல் ஏ.எம்.ஹிஸ்புல்லா ஆகியோர் மீது நடவடிக்கை எடுக்ககோரியும் அந்த கடிதத்தில் தெரிவிக்கப்படுள்ளது
