உங்க உடலில் துர்நாற்றம் அடிக்குதா? அப்ப இந்த உணவுகள சாப்பிடுங்க
உடல் துர்நாற்றம் மிகவும் பொதுவானது மற்றும் சாதாரணமானது. நீங்கள் தினமும் குளிப்பவராக இருந்தாலும், நாளின் முடிவில் உங்கள் உடலில் துர்நாற்றம் வீசலாம். இது உங்களுக்கு சங்கடமாகவும் அசெளகாரியமாகவும் இருக்கும். நீங்கள் வெயிலில் வெளியே செல்வதாலும், வியர்வை எடுப்பதாலும், அழுக்குகள் இருப்பதாலும், மிக முக்கியமாக பல்வேறு வகையான உணவுகளை உண்பதாலும் இது நிகழ்கிறது. சில உணவுகள் கூட உங்களுக்கு உடல் துர்நாற்றத்தை ஏற்படுத்தலாம். அதை தடுக்க அந்த உணவுகளை நீங்கள் தவிர்க்க வேண்டும். வெங்காயம் அல்லது மிளகாய் போன்ற உணவுகள் உங்களுக்கு அதிக வியர்வையை உண்டாக்கும், அதனால் உடலில் துர்நாற்றம் உண்டாகலாம். ஆனால் உடல் துர்நாற்றத்தைப் போக்கி, புதிய வாசனையுடன் இருக்க உதவும் உணவுகளும் உள்ளன.
இந்த உணவுகளில் உடல் துர்நாற்றத்தை எதிர்த்துப் போராட உதவும் சில இரசாயன கூறுகள் உள்ளன. உடல் துர்நாற்றத்தை எதிர்த்துப் போராட தனிப்பட்ட சுகாதாரம் முக்கியம் ஆனால் நீங்கள் என்ன சாப்பிடுகிறீர்கள் என்பதும் முக்கியம். உடல் துர்நாற்றத்தைக் கட்டுப்படுத்த உதவும் உணவுகள் பற்றி இக்கட்டுரையில் காணலாம்.
பச்சை தேயிலை தேநீர் கிரீன் டீ ஆரோக்கியமான பானங்களில் ஒன்றாகும். மேலும் உடல் எடையைக் குறைப்பதைத் தவிர, உடல் துர்நாற்றத்தைத் தடுக்கவும் இது உதவும். கிரீன் டீ அதன் ஆக்ஸிஜனேற்ற குணங்களுக்கு பெயர் பெற்றது. கிரீன் டீயை தினசரி உட்கொள்வது வாய் துர்நாற்றம், உடல் துர்நாற்றம் மற்றும் துர்நாற்றம் வீசும் பாதங்களை எதிர்க்கும். தினமும் இரண்டு கப் க்ரீன் டீயை தேனுடன் குடித்துவிட்டு வித்தியாசத்தை நீங்களே பாருங்கள்.
சிட்ரஸ் பழங்களை சாப்பிடுவது எப்போதும் புத்துணர்ச்சியுடன் இருக்கும், அதற்கு ஒரு காரணமும் இருக்கிறது. எலுமிச்சை மற்றும் ஆரஞ்சு போன்ற சிட்ரஸ் பழங்கள் உங்கள் உடலில் நச்சுகள் குவிவதைக் குறைக்கின்றன. இதனால் துர்நாற்றத்தை உருவாக்கும் பாக்டீரியாக்களின் வளர்ச்சியைத் தடுக்கிறது. ஒரு கிளாஸ் வெதுவெதுப்பான எலுமிச்சை நீர் அல்லது புதிய ஆரஞ்சு சாறு உங்கள் உடலுக்கு மிகவும் புத்துணர்ச்சி அளிக்கும்.
வெந்தயம் வீடுகளில் எளிதில் காணக்கூடிய ஒரு பொருள். எனவே உங்கள் உடல் துர்நாற்றம் பிரச்சனைகளை சமாளிக்க அவற்றை தினமும் உங்கள் உணவில் சேர்த்துக்கொள்ளுங்கள். வெந்தயத்தின் விதைகள் மற்றும் இலைகள் துர்நாற்றத்தை எதிர்க்கும் திறன்களைக் கொண்டுள்ளன. இது உங்கள் உடலில் இருந்து நச்சுகளைத் தடுக்க உதவுகிறது. வெந்தயத்தை தண்ணீரில் ஊறவைத்து அல்லது சில விதைகளை காலையில் சாப்பிடுங்கள்.
இந்த சிறிய விதைகள் உங்கள் உடலுக்கு பல்வேறு நன்மைகளை வழங்குகிறது. பெரும்பாலான உணவுகளில் ஏலக்காயை நாம் சேர்க்கிறோம். சிறிதளவு ஏலக்காயை சேர்ப்பது உணவின் சுவையை அதிகரிப்பது மட்டுமல்லாமல், உங்கள் உடலில் இயற்கையான நறுமணத்தையும் சேர்க்கிறது.
இலை காய்கறிகள் ஏராளமான பச்சை இலைக் காய்கறிகள் பல்வேறு வழிகளில் நன்மை பயக்கும். நிபுணர்களின் கூற்றுப்படி, முட்டைக்கோஸ் மற்றும் கீரையில் அதிக அளவு குளோரோபில் உள்ளது, அவை துர்நாற்றத்தை உண்டாக்கும் சேர்மங்களை நடுநிலையாக்குகின்றன. பச்சை நிறைந்த உணவுக்கு மாறி, மாற்றத்தை நீங்களே கவனியுங்கள்.