4 மாணவர்கள் நீரில் மூழ்கியதில் இருவர் சடலமாக மீட்பு

இச்சம்பவம் இன்று மதியம் இடம்பெற்றுள்ளது.

சம்பவத்தில் வவுனியா தேக்கவத்தை பகுதியைச் சேர்ந்த கவிந்து (வயது 15), கைலாஸ் (வயது 16) என்பவர்களே உயிரிழந்துள்ளனர்.

வவுனியா தேக்கவத்தை பகுதியைச்  சேர்ந்த 4 மாணவர்கள் குறித்த குளத்தில் வளர்ப்பு நாயை குளிப்பாட்டி தாமும் குளத்தில் நீராடிய போது, இருவர் நீரில் மூழ்க அவர்களைக் காப்பாற்ற ஏனைய இருவரும் முயன்ற நிலையில்  4 மாணவர்களும் நீரில் மூழ்கியுள்ளனர். அதில் இருவர் ஒருவாறு கரைக்கு வந்து உதவி கோரிய போது பொலீஸார், இராணுவத்தினர் மற்றும் அயலவர்களின் தேடுதலில் இருவர் உயிரிழந்துள்ள நிலையில் சடலமாக மீட்கப்பட்டுள்ளனர். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.