நேற்றைய மோதல் இளைஞர் உயிரிழந்துள்ளார்

மேலதிக இணைப்பு

குறித்த குழு மோதல் சம்பவத்தில் பராசக்தி கோவிலடி திக்கம் பகுதியைச் சேர்ந்த குணபாலன் குணதாஸ் (25) என்ற இளைஞரே கொல்லப்பட்டுள்ளார்.

குறித்த இளைஞரை சம்பவத்தையடுத்து பருத்தித்துறை ஆதார வைத்தியசாலைக்கு எடுத்துச் சென்ற போதிலும் அவர் ஏற்கனவே உயிரிழந்துள்ளதாக வைத்தியசாலை வட்டாரங்கள் தெரிவிக்கின்றன.

மோதலில் ஈடுபட்டவர்கள் என அனைவரும் தப்பிச் சென்றுள்ளமையால் இதுவரை எவரையும் பொலீஸார் கைது செய்யவில்லை. சம்பவம் தொடர்பாக நெல்லியடி பொலீஸார் விசாரணை மேற்கொண்டு வருகின்றனர்.

நேற்று திங்கட்கிழமை  இரவு 10.45 மணியளவில் யாழ்பீச் ஹோட்டலில் நடைபெற்றுள்ளது.

சம்பவத்தில் ஒருவர் படுகாயமடைந்த நிலையில் பருத்தித்துறை ஆதார வைத்தியசாலையில் அனுமதிக்கப்பட்டதாகவும்  யாழ்பீச் ஹோட்டல் பொலீஸாரால் மூடப்பட்டுள்ளதாகவும் உறுதிப்படுத்தப்படாத தகவல்கள் தெரிவிக்கின்றன.

சம்பவம் பற்றித் தெரியவருவதாவது,

முதலில் 4 பேர் அடங்கிய குழு யாழ்பீச் ஹோட்டலில் மது அருந்திச் சென்றுள்ளனர். அதன் பின்னர் மூவர் மீண்டும் திரும்பவும் மது அருந்த வந்து பெரிய சத்தம் போட்டு ஏசி தங்களை எவரும் ஒன்றும் செய்ய முடியாது என சத்தமிட்டுள்ளனர். இதனை அங்கே மது அருந்திக் கொண்டிருந்த குழுவினர் தங்களுடன் இவர்கள் முரண்பாட்டுக்கு அழைப்பதாக நினைத்து வாய்த் தகராறில் ஈடுபட்டுள்ளனர். குறித்த சம்பவத்தையடுத்து கைகலிப்பில் ஒருவர் மது போத்தலை உடைத்து இன்னொருவரின் வயிற்றில் குற்றியதாக தெரியவந்துள்ளது. குறித்த நபரை பருத்தித்துறை ஆதார வைத்தியசாலையில் அனுமதிக்கப்பட்டதாகவும் தெரியவந்துள்ளது.