இன்று 15 பேருக்கு கொரோனா தொற்று உறுதி

யாழ்ப்பாணத்தில் இன்று மேலும் 15  பேர் தொற்றுடன் அடையாளம் காணப்பட்டுள்ளதாக யாழ்ப்பாணம் வைத்தியசாலை பணிப்பாளர் வைத்திய கலாநிதி சத்தியமூர்த்தி அறிவித்துள்ளார். யாழ் மருத்துவபீட ஆய்வுகூட பரிசோதனையில் 8 பேருக்கும் யாழ் போதனா வைத்தியசாலை ஆய்வுகூடத்தில் 2 பேருக்கும், கோப்பாய் சிகிச்சை நிலையத்தில் பராமரிக்க வந்த 4 பேருக்கும், யாழ் போதனா வைத்தியசாலையில் தனிமைப்படுத்தி வைக்கப்பட்ட ஒருவருக்கு என 15 பேருக்கு கொரோனா தொற்று உறுதி செய்யப்பட்டுள்ளதாக யாழ்ப்பாணம் வைத்தியசாலை பணிப்பாளர் வைத்திய கலாநிதி சத்தியமூர்த்தி அறிவித்துள்ளார். இன்று யாழ் மருத்துவபீட ஆய்வுகூடத்தில் சங்கானை சந்தை வர்த்தகர் 100 பேருக்கு Covid-19 பரிசோதனை செய்யப்பட்டது. 8 பேருக்கு தொற்று உறுதி செய்யப்பட்டது. இதில் சங்கானையை சேர்ந்த 4 பேர், உடுவில், பண்டத்தரிப்பு, மானிப்பாய், வடலியடைப்பு பகுதியை சேர்ந்த தலா ஒவ்வொருவர் தொற்றுடன் அடையாளம் காணப்பட்டுள்ளனர். அதேபோல்.இன்று யாழ் போதனா வைத்தியசாலை  ஆய்வுகூடத்தில் 402  பேருக்கு Covid-19 பரிசோதனை செய்யப்பட்டன.  ஏழாலையைச் சேர்ந்த 2  பேருக்கு தொற்று உறுதி செய்யப்பட்டுள்ளது. இது தவிர கோப்பாய் சிகிச்சை நிலையத்தில்  சிகிச்சைக்காக அனுமதிக்கப்பட்டிருப்பவர்களோடு பராமரிக்க வந்திருக்கும் உறவினர்கள் நான்கு பேருக்கு தொற்று உறுதி செய்யப்பட்டுள்ளது.