இன்று முதல் 18-30 வயதுள்ளோருக்கு தடுப்பூசி
இலங்கையில் இன்று 18 முதல் 30 வயதுக்குட்பட்ட மக்களுக்கு கோவிட் -19 தடுப்பூசி வழங்கும் திட்டம் தொடங்கியது என்று சுகாதார அமைச்சர் தெரிவித்துள்ளார்
இன்று முதல் மாவட்ட அளவில் கோவிட் -19 தடுப்பூசி 18 வயதுக்கு மேற்பட்ட மற்றும் 30 வயதுக்கு கீழ் உள்ளவர்களுக்கு போட நடவடிக்கை எடுக்கப்பட்டுள்ளதாக சுகாதார அமைச்சர் கெஹெலிய ரம்புக்வெல்ல தெரிவித்தார்.
இந்த வயதினரில் உள்ள முன்னணி சுகாதாரப் பணியாளர்களும், வைரஸ் பரவுவதைக் கட்டுப்படுத்த உதவும் மற்றவர்களும் ஏற்கனவே தடுப்பூசி வழங்கப்பட்டுள்ளதாகவும், இது தவிர அத்தியாவசிய சேவைகளில் ஈடுபடும் இந்த வயதினரில் குறிப்பிட்ட அளவு இளைஞர்கள் மற்றும் ஆடைத் துறையில் வேலை செய்பவர்களுக்கு ஏற்கனவே தடுப்பூசி வழங்கப்பட்டுள்ளது.
மொத்த மக்கள்தொகையில் சுமார் 3.7 மில்லியன் பேர் 18-30 வயதிற்குட்பட்டவர்கள் என்றும், இந்த வயதினருக்கு தடுப்பூசி போடுவதை விரைவாக முடிக்குமாறு சம்பந்தப்பட்ட அதிகாரிகளுக்கு அவர் அறிவுறுத்தியுள்ளார் என்றும் அவர் தெரிவித்துள்ளார்
