மூன்று மாதங்களுக்குள் அனைவருக்கும் தடுப்பூசி
அனைத்து இலங்கையர்களுக்கும் மூன்று மாதங்களுக்குள் தடுப்பூசி போடுவதற்கும், அந்த பணியை முடித்த உலகின் முதல் நாடாக திகழ்வதற்கும் ஒரு வழிமுறையை உருவாக்கி உள்ளோம் என்று ஆரம்ப சுகாதார பராமரிப்பு, தொற்றுநோய்கள் மற்றும் கோவிட் -19 நோய் கட்டுப்பாட்டு அமைச்சின் செயலாளர் டாக்டர். அமல் ஹர்ஷா டி சில்வா நேற்று தெரிவித்தார்.
பொது மக்களுக்கு தடுப்பூசி போடக்கூடிய 4,000 மையங்களை அமைப்பதற்கான இடங்களை அரசாங்கம் அடையாளம் கண்டுள்ளதாக அவர் தெரிவித்தார்.
“இந்த முறை நடைமுறையில் இருப்பதால், தடுப்பூசி திட்டத்தை மூன்று மாதங்களுக்குள் இலங்கை பூர்த்தியாக்க முடியும் என்றும், அவ்வாறு செய்த முதல் நாடாக இலங்கை பெயரிடப்படும் என்றும் நாங்கள் நம்புகிறோம் அவர் கூறினார் .
தடுப்பூசிகளுக்கு அதிக தேவை உள்ளது, ஆனால் குறைவான சப்ளை இருப்பதால் இது இலங்கைக்கு தடுப்பூசிகள் கிடைப்பதைப் பொறுத்தே இந்த திட்டம் நிறைவேறும் என்றும் அவர் தெரிவித்தார்
“நாங்கள் ஏற்கனவே இந்தியாவில் இருந்து 18 மில்லியன் கோவிஷீல்ட் தடுப்பூசிக்கு ஆர்டர் செய்துள்ளோம். இது தவிர, தடுப்பூசிகளைக் கொண்டுவருவதற்காக ரஷ்யா மற்றும் சீனாவுடன் பேச்சுவார்த்தை நடத்தியுள்ளோம். மேலும், இரண்டு மில்லியன் ஃபைசர் தடுப்பூசிகளை வாங்குவதற்கு நடவடிக்கை எடுத்துள்ளோம், என்றும் அவர் தெரிவித்தார்
தடுப்பூசி வழங்கும் நடவடிக்கை முடிந்தால், அது பி.சி.ஆர் சோதனைக்கு செலவிட வேண்டிய பெரும் தொகை பணத்தை குறைக்கும் என்றும் அவர் கூறினார்.
“பி.சி.ஆர் சோதனைக்காக நாங்கள் ஒரு நாளைக்கு ரூ .100 மில்லியன் செலவிடுகிறோம்,” என்று அவர் கூறினார்.
