கரப்பந்தாட்டத்தில் சாதனை படைத்தது பருத்தித்துறை சென்தோமஸ்

வடமராட்சி கல்வி வலயப் பாடசாலைகளுக்கு இடையிலான கரப்பந்தாட்டப் போட்டிகள் கரவெட்டி விக்னேஸ்வரா கல்லூரி மைதானத்தில் நேற்று செவ்வாய்க்கிழமை நடைபெற்றது.

16 வயதிற்குட்பட்ட பெண்களிற்கான இறுதியாட்டத்தில் பருத்தித்துறை றோமன் கத்தோலிக்க பெண்கள் பாடசாலை அணியை எதிர்த்து வல்வை மகளிர் கல்லூரி அணி மோதியது.

ஆட்டத்தில் ஆதிக்கம் செலுத்திய பருத்தித்துறை சென்தோமஸ் றோமன் கத்தோலிக்க பெண்கள் பாடசாலை அணி 25:16, 25:20 என்ற புள்ளிகள் வித்தியாசத்தில் வெற்றி பெற்று சம்பியன் கிண்ணத்தை கைப்பற்றினர்.

18 வயதிற்குட்பட்ட பெண்களிற்கான இறுதியாட்டத்தில் பருத்தித்துறை றோமன் கத்தோலிக்க பெண்கள் பாடசாலை அணியை எதிர்த்து பருத்தித்துறை மெதடிஸ்த பெண்கள் உயர்தரப் பாடசாலை அணி மோதியது. ஆதிக்கம் செலுத்திய பருத்தித்துறை சென்தோமஸ் றோமன் கத்தோலிக்க பெண்கள் பாடசாலை அணி 25:10, 25:16 என்ற புள்ளிகள் வித்தியாசத்தில் வெற்றி பெற்று சம்பியன் கிண்ணத்தை கைப்பற்றினர்.