நாட்டின் 6 மாவட்டங்களைத் தவிர மற்ற அனைத்திலும் விதிக்கப்பட்ட ஊரடங்கு உத்தரவு இன்று காலை தளர்வு
நாட்டின் 6 மாவட்டங்களைத் தவிர மற்ற அனைத்திலும் விதிக்கப்பட்ட ஊரடங்கு உத்தரவு இன்று (30) காலை 6.00 மணிக்கு தற்காலிகமாக நீக்கப்பட்டுள்ளது .
பின்னர் இன்று மதியம் 2.00 மணிக்கு ஊரடங்கு உத்தரவு மீண்டும் விதிக்கப்படும்.
இருப்பினும், கொழும்பு, கம்பஹா, களுத்துறை, புத்தளம், கண்டி மற்றும் யாழ்ப்பாணம் மாவட்டங்களில் ஊரடங்கு உத்தரவு மேலும் அறிவிக்கப்படும் வரை தொடரும், ஏனெனில் இந்த 6 மாவட்டங்களும் சுகாதார அதிகாரிகளால் COVID-19 வைரஸ் தொற்றுக்கு அதிக ஆபத்துள்ள பகுதிகளாக அடையாளம் காணப்பட்டுள்ளன.
அத்தியாவசிய சேவைகளை வழங்கும் நோக்கத்தைத் தவிர அனைத்து மாவட்டங்களுக்கும் பயணம் செய்வது முற்றிலும் தடைசெய்யப்பட்டுள்ளது.
அத்தியாவசிய சேவைகளைத் தொடரும் நோக்கத்துடன் அறிமுகப்படுத்தப்பட்ட விதிமுறைகளை தவறாகப் பயன்படுத்துபவர்கள் சட்டத்தின் படி கடுமையாகக் கையாளப்படுவார்கள் என்று பொலிஸார் தெரிவித்தனர்
COVID-19 தொற்று பரவியதை அடுத்து இந்த நாட்டின் மக்களின் நல்வாழ்வை உறுதி செய்வதே இந்த நடவடிக்கைகளின் ஒரே நோக்கம் என்பதால், வழிகாட்டுதல்களை ஒரு பொறுப்பான முறையில் கண்டிப்பாக பின்பற்றுமாறு அரசாங்கம் பொதுமக்களை கேட்டுக்கொள்கிறது.
இதற்கிடையில், களுத்துறை மாவட்டத்தில் அதுலுகாமாவும், கண்டி மாவட்டத்தில் அகுரானாவும் தனிமைப்படுத்தப்பட்ட பகுதிகளாக அறிவிக்கப்பட்டுள்ளன. இந்த இரண்டு கிராமங்களுக்கும் நுழைவது அல்லது வெளியேறுவது முற்றிலும் தடைசெய்யப்பட்டுள்ளது.
