சா்வதேச விமான சேவை. பலாலியில் ஆராய்ந்தாா் ரணில்..
பலாலி விமான நிலையம் புனரமைப்பு செய்யப்பட்டுவரும் நிலையில் அங்கிருந்து சா்வதேச விமான சேவையினை ஆரம்பிப்பது தொடா்பில் ஆராய்வதற்காக பிரதமா் தலமையில் பலாலி விமான நிலையத்தில் விசேட கலந்துரையாடல் ஒன்று இன்று நடைபெற்றது.
அந்தவகையில், வரும் செப்டெம்பரில் அலுவலக நடவடிக்கைகள் ஆரம்பிக்கப்பட்டு பின்னர் ஒக்டோபரில் விமான சேவைகளை ஆரம்பிக்கும் வகையில் நடவடிக்கை எடுக்கப்பட்டுள்ளது.
இதேவேளை, இந்த விமான நிலைய அபிவிருத்திக்காக பொது மக்களின் காணிகள் சுவீகரிக்கப்படமாட்டாது எனவும் தெரிவிக்கப்பட்டுள்ளது.இந்தக் கலந்துரையாடலில்
சிவில் விமானப் போக்குவரத்துத் துறை அமைச்சர் அர்ஜுன ரணதுங்க, இராஜாங்க அமைச்சர் விஜயகலா மகேஸ்வரன், தமிழ் தேசிய கூட்டமைப்பின் நாடாளுமன்ற உறுப்பினர்கள்,
சிவில் விமானப் போக்குவரத்து அமைச்சின் அதிகாரிகள், பொறியியலாளர்கள் என பலரும் கலந்துகொண்டிருந்தனர். கலந்துரையாடலின் குறித்து இராஜாங்க அமைச்சர் விஜயகலா மகேஸ்வரன்
தெரிவிக்கையில், மூன்றாவது சர்வதேச விமான நிலையமாக பலாலி விமான நிலையம் தரமுயர்த்தப்பட்டுள்ளது.அதன் ஆரம்பக்கட்ட நடவடிக்கைகள் கடந்த மாதத்தில் ஆரம்பிக்கப்பட்ட நிலையில்
இன்று பிரதமர் அபிவிருத்தி நடவடிக்கைகளைப் பார்வையிட்டுள்ளார். ஒக்டோபரில் சேவையை ஆரம்பிக்கும் வகையில் நடவடிக்கை எடுக்கப்பட்டுள்ளது என்று தெரிவித்தார்.
