அமெரிக்க அதிபரால் வந்த வினை, தானாக கொரோனா வைரஸ்க்கு மருந்து உட்கொண்டவர் பலி
சுய மருந்தை எடுத்து கொண்ட அமெரிக்காவின் அரிசோனா மாநிலத்தில் உள்ள பீனிக்ஸ் பகுதியைச் சேர்ந்த ஒருவர் இறந்துவிட்டார் மற்றும் அவரது மனைவி ஆபத்தான நிலையில் உள்ளார் என்று மருத்துவமனை அமைப்பு பேனர் ஹெல்த் (Banner Health) தெரிவித்துள்ளது. இவர்கள் இருவரும் குளோரோகுயின் மருந்தை உட்கொண்டதாக தெரியவந்துள்ளது.
கோவிட் -19 க்கு சாத்தியமான சிகிச்சையாக ஜனாதிபதி டொனால்ட் டிரம்பால் குளோரோகுயின் கூறப்பட்டது, ஆனால் இது 
“மீன் தொட்டிகளை சுத்தம் செய்ய மீன்வளங்களில் பொதுவாக பயன்படுத்தப்படும் ஒரு சேர்க்கை” என்றும் பேனர் ஹெல்த் ஒரு அறிக்கையில் தெரிவித்துள்ளது. மலேரியா, லூபஸ் மற்றும் முடக்கு வாதம் ஆகியவற்றிற்கு சிகிச்சையளிக்க உணவு மற்றும் மருந்து நிர்வாகத்தால் குளோரோகுயின் அங்கீகரிக்கப்பட்டுள்ளது. ஆனால் கொரோனா வைரஸுக்கு சிகிச்சையளிக்க எஃப்.டி.ஏ (FDA) அதை அங்கீகரிக்கவில்லை.
மருந்துகள் – அத்துடன் பிற பொருத்தமற்ற மருந்துகள் மற்றும் வீட்டுப் பொருட்கள் இந்த வைரஸுக்கு சிகிச்சையளிக்க அல்லது தடுக்க உட்கொள்ளக்கூடாது என்று பேனர் சுகாதார நிபுணர்கள் வலியுறுத்தியுள்ளனர்.
“COVID-19 க்கான மருந்து இல்லாத நிலையை கருத்தில் கொண்டு, இந்த வைரஸைத் தடுக்க அல்லது சிகிச்சையளிக்க மக்கள் புதிய வழிகளைக் கண்டுபிடிக்க முயற்சிக்கிறார்கள் என்பதை நாங்கள் புரிந்துகொள்கிறோம்” என்று பேனர் விஷம் மற்றும் மருந்து தகவல் மைய மருத்துவ இயக்குநர் டாக்டர் டேனியல் புரூக்ஸ் அறிக்கையில் தெரிவித்துள்ளார். “ஆனால் சுயமாக மருந்துகளை உட்கொள்வது சிறந்த தீர்வு அல்ல.” என்று மேலும் குறிப்பிட்டுள்ளார்.
அறிக்கையின்படி, அரிசோனா மாநிலத்தில் வசிக்கும் தம்பதியினர், வயது 60, குளோரோகுயினை உட்கொண்ட முப்பது நிமிடங்களுக்குள், தம்பதியினர் அருகிலுள்ள பேனர் சுகாதார மருத்துவமனையில் அனுமதிக்க வேண்டிய நிலமைக்கு உள்ளானார்கள். அவர்கள் எவ்வாறு இந்த மருந்தை வாங்கினர்கள், அல்லது எந்த பேனர் மருத்துவமனை அவர்களுக்கு சிகிச்சை அளித்தது என்பது குறித்து எந்த விவரத்தையும் கொடுக்கவில்லை. கணவன் இறந்த நிலையில் அவரது மனைவி ஆபத்தான நிலையில் உள்ளார்.
