மினி ஒலிம்பிக் யாழ்ப்பாண பல்கலைக் கழக அணி சம்பியன்

இலங்கை பல்கலைக்கழக அணிகளுக்கு இடையிலான 13 ஆவது மினி ஒலிம்பிக் போட்டியில் பெண்களிற்கான வலைப்பந்தாட்டத் போட்டியில் பரபரப்பான இறுதியாட்டத்தில்  யாழ் பல்கலைக்கழக அணி சம்பியன் கிண்ணத்தை கைப்பற்றினர்.

இதன் இறுதியாட்டம் இன்று  றுகுணு பல்கலைக்கழக உள்ளக விளையாட்டரங்கில் நடைபெற்றது.

இறுதியாட்டத்தில் யாழ் பல்கலைக்கழக அணியை எதிர்த்து கொழும்பு பல்கலைக் கழக அணி மோதியது.

4 கால் பகுதிகளாக நடைபெற்ற ஆட்டத்தில் முதல் இரு கால்பகுதி ஆட்டங்களிலும் ஆதிக்கம் செலுத்திய கொழும்பு பல்கலைக் கழக 8:7, 18:15 என்ற புள்ளிகள் வித்தியாசத்தில் முன்னிலை வகித்தனர்.  ஆனால் அடுத்த மூன்றாவது கால்பகுதியாட்டத்தில் தமது அபார ஆட்டத்தை வெளிப்படுத்திய யாழ் பல்கலைக்கழக அணி 26:24 என்ற புள்ளிகள் வித்தியாசத்தில் அதிரடியான ஆட்டத்தை வெளிப்படுத்தியது. வெற்றி தோல்வியை தீர்மானிக்கும் நான்காவது கால்பகுதியாட்டத்தில்

இரு அணிகளும் ஒன்றுக்கொன்று சளைத்தவர்கள் அல்ல என்பதை நிரூபிக்கும் முகமாக விளையாடினர்.  இதனால் வழங்கப்பட்ட  நிமிடத்தில் இரு அணிகளும் 34:34 என்ற சம புள்ளிகள் பெற்றிருந்தனர். இதனால் வெற்றி தோல்வியை தீர்மானிப்பதற்கு மேலதிகமாக 7 நிமிடங்கள்  வழங்கப்பட்டது. இதில் யாழ் பல்கலைக்கழக அணி சிறப்பான ஆட்டத்தை வெளிப்படுத்தி 46:42 என்ற புள்ளிகள் வித்தியாசத்தில் வெற்றி பெற்றுச் சம்பியன் கிண்ணத்தை கைப்பற்றினர்.